थौं नेसं ११४२ कौलागा द्वादसि संचबा: (बिसं २०७९/कार्तिक/५ गते शनिबार) कुन्हु श्री दिगुख्य: गुथी, ज्यासना पुचः पाखें गुथीया संरक्षक पुचःया नायो मोतिकाजी तुलाधर, संरक्षक पुचः, सिरपा दाता, कव: थाकुली/प्रतिनिधि, निवर्तमान ज्यासना पुचः, मिसा पुचः या पाहां सुई वैगु न्हुदं नेसं ११४३ या भिं/न्ह्यैपु लसताय भिन्तुना कालबिलया ज्याझ्व नापं वैगु दं न्हुदं नेसं ११४३ या नगुमा पिथने ज्या क्वचायेकुगु जुल। नगुमाया उलेज्या संरक्षक पुचःया नायो भाजु मोतिकाजी व ज्यासना पुचःया नायो भाजु ताराबिरसिं तुलाधर पाखें जुल। भिन्तुना कालबिलया झ्वलय भिन्तुना न्वचु कथं मोतिकाजी तुलाधर, रमेश तुलाधर, रत्नकाजी तुलाधर, प्रेमहिरा तुलाधार, न्हुच्छेशोभा तुलाधर, प्रज्ञा रत्न तुलाधर व रोशन काजि तुलाधर पाखें जुगु जुलसा गुथी छ्यान्जे/नगुमा कजी बिजय रत्न तुलाधर पाखे नगुमा पिथनाया खं नापं ज्यासना पुचः पाखें आ: तक्क न्ह्याकुगु/क्वचायेकुगु ज्या व वैगु दिनसं न्ह्याकिगु ज्या:या धल न्ह्यब्वया दिल। थौंया थुगु ज्याझ्व: न्हाके ज्या नापं ज्याझ्व ता:लाकेया निंति ग्वाहालिमीपिंत बिईमागु सुभाय न्वचु ल्यु नायो बिद्या सागर पाखें बिया दिगु जुल। व हे झ्वलय थौं पिदंगु नगुमायात छिस्कर गुथीया सकल छें ज:/छेंखां छपा/छपा थ्यंकेगु/बियेगु आज्जु कथं छिस्कर पुचःया कव: प्रतिनिधि/ज्याझ्व:सं झा: पिनिगु ल्हाती ल:ल्हायेगु ज्या: जुगु जुलसा थौं मझापिं कव: प्रतिनिधि पिनिगु भालाय ला:गु नगुमायात छिस्करपिनि कव: प्रतिनिधिया पिनिगु ल्हाती थ्यंका बियेगु वचं जिमिसं बियागु जुल। कया दिसं। 

श्रीदिगुख्य: गुथी व मैत्री बोधी हेल्थ केयर सेन्टरया मंका ग्वसालय गुथीया ज:/दुज:पिनि भिं उसांय व सुसा दयेमाया भलसा कासे गुथीया ज्यासना पुचः पाखें थौं पुष ३० गते संचबा (तिथि ल्या नेसं ११४३ पोहेलागा सप्तमी) कुन्हु मैत्री बोधी हेल्थ केयर सेन्टरया क्लिनिक, बागबजासं "स्वास्थ्य सचेतना व परिक्षन" या ज्याझ्व: क्वचायेकुगु जुल।
ज्याझ्वसं ज्यासना पुचः नायो ताराबिरसिं पाखें लसकुस न्वचु, संरक्षक पुचःया नायो मोतिकाजी पाखें भिन्तुना न्वचु नापं छ्यान्जे बिजयरत्न तुलाधर पाखें सुभाय बिया दिगु जुल। ज्याझ्व:यात न्वकु बिद्या सागरपाखें न्ह्याका दीगु जुल।
निगु ब्व: थला न्ह्यागु ज्याझ्व: थुकथं न्ह्यागु जुल
न्हापांगु ब्व १ - ब्वज्या नापं न्ह्यस:/लिस:
स्वास्थ्य परिक्षन - ब्लड प्रेसर, अक्सिजन, BMI नापं, ब्लड सुगर परिक्षन
लिपांगु ब्व: २
2. What Is Not Normal- ड़ा स्वयम्भु मान तुलाधर
3. Lifestyle Medicine- ड़ा सम्पुर्ण मान तुलाधर
1. Dental Health - ड़ा अनुप श्रेष्ठ
ज्याझ्व:सं
* "रुप केशरी फन्ड" पाखें ब्वतिकामि सकसितं वा: सुसा ज्वलं छज्व: बियादीगु जुल।
** ज्याझ्वसं ब्लड प्रेसर व अक्सिजन दायेगु ज्वलं यात दंक/कतिलाक्क मिईगु ज्या: नं जुल
*** अथेहे ज्याझ्व:लिपा ब्वतिकामि सकसितं तुच्चा बत्ता ल:ल्हायेगु ज्या नं जुल।
दकले लिपा ज्याझ्व: तालाकेया निंति माक्व/फक्व ज्व:मलागु ग्वाहालीयाना दिपिं ड़ा स्वयम्भु मान तुलाधर, ड़ा सम्पुर्ण मान तुलाधर, मैत्री बोधी हेल्थ केयर सेन्टरया सकलें नापं ड़ा अनुप श्रेष्ठ, ड़ा अस्मिता तुलाधर, सुजित स्थापित, संरक्षक पुचः नापं नां त्व:फ्युपिं सकसितं ज्यासना पुचः पाखें आपालं आपा सुभाय बिया।