"सुलाच्वंगु रत्न" (Hidden Jewels) सिरिजया न्हापांगु भागया मू पाहाँ डा. सम्पूर्णमान तुलाधरज्यू चिकित्सा ख्यलय् छगू प्रतिष्ठित नां खः। वय्‌कःया उच्च शैक्षिक योग्यता व विशेषज्ञता थुकथं दु:
MBBS * MS (त्रिभुवन विश्वविद्यालय - TU)
MRCS (बेलायत - UK)
Fellowship in Cardiothoracic Surgery (शिकागो विश्वविद्यालय, अमेरिका - University of Chicago, US)

वरिष्ठ कार्डियोथोरासिक सर्जन (Cardiothoracic Surgeon) डा. तुलाधरज्यूं बेलायत व अमेरिका थेंजाःगु विकसित देसय् दुगु आधुनिक चिकित्सा प्रणाली व ख्यलय् थःगु सीप क्यनाः तःधंगु अनुभव ब्वलादीधुंकूगु दु। विदेशय् अझ तःधंगु अवसर व सुविधायात दःसां नं थःगु हे मांभाय्, संस्कृति व थःगु देय्या जनताया सेवा यायेगु तःधंगु हुटहुटी कयाः वय्‌कः नेपालय् लित बिज्यानादीगु खः। आः वय्‌कः थःगु अमूल्य सीप व सीका छ्यलाः निरन्तर रूपं समुदायया उपचार व समाजसेवाय् न्ह्यज्यानाच्वनादीगु दु। नापं, वय्‌कः झीगु श्री दिगुख्यः गुथिया ज्यासना पुचः या छम्ह सक्रिय व हनेबहमः दुजः नं खः। थज्याःगु उँचो व्यक्तित्वया जीवन लँपु, विदेशया अनुभव व नेपालय् लित वयाः समाजसेवा यायेगु प्रेरणादायी यात्राया बारे सीकेत थ्व ज्याझ्वलय् सकल गुथियारपिन्त लसकुस यानाच्वना।